اشعار و رباعيات صلاح جاهين .

 اجمل متابعين لنا فى كل مكان السلام عليكم , . و يارب تكونوا بخير .

و لا ننسى اخواننا المستضعفين فى مشارق الارض و مغاربها . من الدعاء بان ياويهم الله اليه , و يتغمدهم برحمته ويحميهم ويؤمنهم وينصرهم نصرا مؤزرا انه ولى ذلك و القادر عليه و لا حول ولا قوة الا بالله العلى العظيم . 

اليوم اصدقائى سنستمتع معكم برباعيات واشعار الجميل الراحل صلاح جاهين . 

الرباعيات

يا قرص شمس مالهش قبة سما

يا ورد من غير ارض شب و نما

يا اى معنى جميل سمعنا عليه

الخلق ليه عايشين حياة مؤلمة

و عجبى

  ياباب يا مقفول  ..امتى الدخول

صبرت ياما و اللى يصبر ينول

 

دقيت سنين و الرد يرجع لى مين ؟

 

لو كنت اعرف مين انا كنت اقول .

 

و عجبى

 

لا تجبر الانسان ولا تخيره

 

يكفيه ما فيه من عقل بيحيره

 

اللى انهارده بيطلبه ويرتضيه

 

هو اللى بكره ها يشتهى يغيره .

 

و عجبى

 

علم اللوع اضخم كتاب فى الارض

 

بس اللى يغلط فيه يجيبه الارض

 

أما الصراحة فامرها ساهل

 

لكن لا تجلب المال ولا تصون العرض

 

و عجبى

 

شاف الطبيب جرحى وصف له الامل

 

و عطانى منه مقام يادوب ما اندمل

 

مجروح جديد يا طبيب و جرحى لهيب

 

ودواك فرغ منى .. وإيه العمل

 

و عجبى

 

إيش تطلبى يانفس فوق كل ده

 

حظك بيضحك و انتى متنكده

 

ردت قالت لى النفس : قول للبشر

 

ما يبصوليش بعيون حزينة كده

 

و عجبى

  

إنسان أيا إنسان  ما أجهلك

 

ما أتفهك فى الكون و ما أضالك

 

شمس و قمر وسدوم وملايين نجوم

 

و فاكرها يا موهوم مخلوقة لك

 

و عجبى