اجمل متابعين لنا فى كل مكان السلام عليكم .
و لا ننسى اخواننا فى كل مكان المستضعفين من دعاءنا بان يحميهم الله وياويهم اليه ويؤمنهم فى اوطانهم وينصرهم نصرا مؤزرا من عنده . انه القادر القاهر فوق عباده ولا حول ولا قوة الا بالله .
اليوم اصدقائى مع خاطرة جديدة لى
وهى بعنوان ربك بيحبك .
اوقات كتير ووقت الشدة او البلاء بالذات بنحس ان ربنا غضبان علينا او بيعاقبنا حاشاه . ولكن الابتلاء للمسلم تخفيف ذنوب ورفع درجات وكمان بيفوقك من غفلة الدنيا , و الجرى فيها اللى بينسينا اوقات احنا فى الدنيا ليه ؟ والسبب الحقيقى وراء وجودنا فيها الا وهو عبادة الله الرحمن وعمارة الارض . بس فى موضوع السعى فى عمارة الارض اوقات بننسى العبادة اللى هى الاساس ولكنها بالطبع لا تغنى عن السعى . وده ممكن نفرده موضع خاص . بس الاهم هنا ان البلاء علشان ربك بيحبك و عايزك ترجعله .ومن هنا جاءت فكرة الخاطرة ويارب تعجبكم .
خاطرة : ربك بيحبك
يعنى لو انت مش كويس
ماكنش ربك ابتلاك
وكان سابك وكان نساك
ده عايز يعلمك ويرجعك تانى ليه
ابتلاك من حبه فيك
عشان يجازيك
اصل الدنيا شوية ومعدية
عاملة زى الرحلة هى
اوعى تعود من رحلتك
فاضى وخالى
او حتى شايل
حمل على الفاضى
شوف وفيد
نفسك انت . والناس حواليك
واوعى مرة ومن
تانى تغمى عنيك
الموضوع كله فيك . وفى
لحظة بينتهى
وتلاقى نفسك
خلاص وصلت
وحاتعمل ايه
امتحانك وخلاص خلص
وميعاد اجابتك وانتهى
واهو الورق كمان خلص
وانت خلاص
انتهيت
استنونى فى خاطرة جديدة .
تعليقات
إرسال تعليق