اجمل متابعين لنا فى كل مكان السلام عليكم
ولا ننسى الدعاء لاخواننا فى غزة ورفح وكامل فلسطين ان يتغمدهم الله برحمته وينصرهم وياويهم اليه انه ولى ذلك والقادر عليه ولا حول ولا قوة الا بالله .
اليوم اصدقائى احب اشارككم بعض من اشعار المبدع صلاح جاهين .
وهى بعض من رباعيات صلاح جاهين .
وهو شعر من اربع ابيات ولهذا سميت الرباعيات وذاع صيتها جدا .
وهى من احب الاشعار على قلبى ومن احب ما كتب جاهين لى على المستوى الشخصى .
اانا شاب لكن عمرى الف عام
وحيد لكن بين ضلوعى زحام
خايف لكن خوفى منى انا
اخرس و لكن قلبى مليان كلام
و عجبى
و الكون ده كيف موجود من غير حدود
وبه عقارب ليه وتعابين و دود
عالم مجرب فات و قال سلامات
ده ياما فيه سؤالات من غير ردود
و عجبى
خرج ابن ادم من العدم قلت : ياه
رجع ابن ادم للعدم قلت : ياه
تراب بيحيا : وحى بيصير تراب
الاصل هو الموت والا الحياة !
و عجبى
ضريح رخام به السعيد اندفن
و حفرة بها الشريد من غير كفن
مريت عليهم .... قلت يا للعجب
لاتنين ريحتهم لها نفس العفن
و عجبى .
يا باب يا مقفول .. امتى الدخول ؟
صبرت ياما واللى يصبر ينول
دقيت سنين ... والرد يرجع لى : مين ؟
لو كنت عارف مين انا كنت اقول .
و عجبى !
تعليقات
إرسال تعليق