قصيدة طول بعادك ياحبيبى من ديوان ثرثرة لموج البحر

 اجمل متابعين لنا فى كل مكان السلام عليكم .

ولا ننسى الدعاء لاخواننا فى غزة اعانهم الله وايدهم بنصره واواهم اليه . وحقن دمائهم هم وكل المسلمين اللهم امين .

اليوم احب اشارككم قصيدة اخرى من ديوانى ثرثرة لموج البحر 

وهى بعنوان طول بعادك ياحبيبى 

وكنت قد نوهت من قبل عن ان ديوانى هذا قد اتبعت فيه شكل القصة الشعرية اى ان كل اشعار الديوان تحكى عن قصة واحدة . وهى فى مجملها مترابطة بفكرة القصة . على الرغم ان كل قصيدة منهم منفردة بذاتها .

ارجو ان تعجبكم 

 

 

قصيدة طول بعادك يا حبيبى

 

عدى علي سين وايام

بستناك اه بستناك

ترجع لى تانى

لهوايا تانى . حنينى تانى

 طال البعاد يا حبيبى

وياريتك انت ترجع ليا تانى

بس خلاص يا حبيبى

اتاكدت أنى خلاص

ما بقيت اهواك

طول بعادك يا حبيبى

موت حبى

طول فراقك قسى قلبى

بقي يا حبيبى

اهوى الفراق

مش حاترجع ليا تانى

 لانك ما بقيت حبيبى

ما بقاش جوايا ليك

اى معنى من معانى الهوا

ما بقاش اى دمعة

على فراقك ولا ايانا سوا

ما بقاش جواك ليك

اى احساس او اى لوعة حب

او حتى احساس اشتياق

لا يا حبيبى ما ترجعش ليا تانى