من سلسلة تاملات ايمانية ( اطلب من ربك )

 

اجمل متابعين لنا فى كل مكان

السلام عليكم

اليوم نتحدث عن :

الطلب او الدعاء الى الله

ولكن سنتحدث من منظور مختلف

ازاى اننا لما بنكبر مش بنكون مصدقين الدعاء او مش قادرين نعتقد ان اللى عايزينه حايتحقق .

جوانا مش بيعكس اللى برانا بجد.

اللى اقصده هنا اننا بنتغلل فى مشاكلنا وهمومنا ولما بنكبر ونعرف العبء فى تحقيق الامانى واد ايه صعب الطريق للوصول . بيكون صعب نصدق المعجزات

 

@@@@@

 

بنصبح اناس اشباه احياء . يادوب نشتغل وناكل ونشرب بشكل الى وننسى اننا بشر .

حاسترجع معاكم شوية ونعود لايام الطفولة

لما كنا صغيرين ونتمنى شئ او عايزين حاجة اى ما كانت صغيرة او كبيرة , بنطلبها من اهلنا واحنا مش شايلين عبء لا امتى ولا ازاى ولا منين حايجيبوا الفلوس

كل اللى بنعرفه اننا نطلب .

طيب ليه بنتغير لما بنكبر

ونكون بنطلب من ربنا واحنا شايلين عبء

ازاى حاكسب فلوس او منين حاشتغل شغلانه كويسة او امتى بقى حاينجح مشروعى .

ياصديقى لا يخصك . وقف دماغك وانت بتطلب من ربك.

يعنى زى ما كنا صغيرين ونسال اهلنا هو انتوا معاكم فلوس زيادة يردوا وانتوا مالكم ده كلام كبار انتوا عايزين ايه.

 

@@@@@

 

ده كلام كبار لا ده شغل اله هو سبحانه مالك السموات والارض  . الاله الخالق مالك كل شئ .

انت وانا وكل العباد مجرد خلق هو عز وجل خلقه يعنى كيف تسال الخالق ماذا واين وكيف خلق ؟

انت مخلوق خليك فى اللى مطلوب منك .

اطلب من الخالق بتاكد تام انه قادر ومقتدر وقدير على اعطاءك ما تريد .

ماتفكرش مع ربك ازاى ممكن . او هو انا استحق . وبلاش الكلام اللى ضيع من عمرنا سنين

 (المنحوس منحوس . وانا اصلى وش فقر . وشرارة . والدهب فى ايدى يبقى تراب )

ايه كل ده ربنا خلقك وقالك اسعى بس

اسعى واعمل اللى عليك فى الدنيا النتيجة بتاعت ربك مش تخصك .

 

@@@@@

 

وفى النهاية عوضك حايجيلك على كل التعب فى ثانية بتاخد تعويضك على كل التعب والالم واللى عانيته .

فكر وخطط بس اطلب واترك ازاى ومنين وامتى لربك وبس

ومدام انت مؤمن ان ربك موجود يبقى اكيد مؤمن باياته

وعلشان كده لازم تؤمن (ولسوف يعطيك ربك فترضى )

يعنى حاتاخد من العطاء الى ان ترضى نفسك يبقى اطمن وبلاش الاسئلة اللى الشيطان بيدخلك بيها علشان تياس من رحمة ربنا .

ويلا نرجع نطلب من ربنا بتاكيد انه سامعنا وعارف ايه اللى عايزينه بالظبط وانه سبحانه حايحقق لينا كل خير