كن ممتن من حياتك

 

_{اجمل متابعين لينا فى كل مكان بعتذر اولا عن التاخير فى الكتابة}

_{انهاردة رجعالكم بمقال جديد}

_{وزى ما فى العنوان كون ممتن من اللى انت عايشه}

_{يعنى كلنا حياتنا فى مشكلات كثيرة وكبيرة احيانا . بس مين منا عايش بدون تحديات}

_{عايزاك تتخيل معايا لو حياتك على نمط واحد راحة مثلا بس واستقرار بس حاتلاقى}

_{نفسك مليت , التحديات هى بتكون}

_{جوهر الحياة لانها بتجعلك}

_{تتطور وتنمو وتعرف تكون}

اقوى

 

&&&&&&&

 

كون ممتن من حياتك لان ممكن

تلاقى نفسك فى اسوا من اللى انت فيه

وفجأة  يروح حبيب او عزيز عليك

تفقده سواء برضاه او غصب عنه

ووقتها بتكون تايه او تحصلك ضايقه مالية

صح هى تحديات بس اللى عايزة اقوله انهاردة

ان كل شخص فينا اخد ال24 قيراط

بتوعه بالعدل .

فمنتمناش حياة حد . احنا مانعرفش هو خسر ايه علشان يحصل على ده .

او هو فاقد ايه , لان مافيش حد حياته كاملة الكمال لله وحده .

ولكن انا اتكلم عن الامتنان والشكر لربنا على نعمه اللى اتفضل علينا بيها

لان مافيش حد عاجبه حاله  , وديما بنبص للاعلى مننا

عايزين وعايزين واشمعنا عنده ومش عندى .

مش غلط انى احلم بالاحسن لا بس لازم فى البداية اكون راضى باللى عندى وعارف اهميته وان فيه ناس كتير اوى بتتمنى نص اللى انا فيه .

علشان وقتها حاحس بفضل ربنا اد ايه علا

وكمان حايخلينى اقدر اللى انا فيه

الاشخاص اللى معايا واديهم قيمتهم .

واسرف من وقتى فى الاهتمام بيهم

لان يمكن بكرة مش يكونوا معايا .

لما بنشكلا على النعمة ونتقدرها ونهتم بيها ربنا بيزودهالنا ( ولان شكرتم لازيدنكم )

بس وعلى النقيض اذا ماقدرناش النعمة وجحدنا بيها ومش ادناها قيمتها حاتزول وتروح مننا ووقتها بس الندم مش حايفيد لانه مش حايرجعها تانى .

ولان الحياة قصيرة جدا ولا تستهال شئ

اقول لك صديقتى وصديقى

اعمل كل حاجة بجد حب بجد , اعمل بجد , احلم بجد , اجتهد بجد

ادى الوقت والاهتمام والجدية فى كل ما تفعل

واعلم كل من حولك بانك تهتم بهم حقا

اعطى جزء من وقتك فى اليوم لكل من تحب

واعلمه بقليل من الكلمات والافعال انك تحبه حقا

قبل ان يضيع منك ولا تملك وقتها ان تعتذر منه

 

&&&&&&

 

فى الختام اقول لكل احبتى شكرا على وجودكم معى

واقول لكل من يتابعنى  شكرا لكم لاننى بكم اكون

ولكم منى كل التمنى والرجاء من ربى بتوفيقكم فى الحياة

وتحقيق احلامكم جميعا

وان تكونوا بخير دائما وسعداء حيثما انتم

انتظرونى فى مقال جديد