الهدف او الحلم

 

السلام عليكم متابعينا من كل مكان

الهدف والحلم

كتير مننا بيكون عايز يحقق حلم او هدف معين بس مش عارف ازاى او منين يبدأ .

وناس اكتر مش بتعرف هى عايزة ايه او مش بتصدق نفسها انها تقدر تحقق اللى بتتمناه .

اوقات الحلم بيكون شبهنا يعنى عن حاجات احنا بنعرف نعملها ( مواهب عندنا ) واوقات تانية بيكون نجاحنا مختلف عننا مثلا (ان يكون رجل اعمال وهو مموهوب فى الرسم , هونجح فى التجارة على الرغم من موهبته فى الرسم )

صحيح ان لكل واحد مننا موهبة بس مش شرط تكون هى حلمه وهدفه يمكن طموحه يكون فى شئ مختلف .

المهم انت بداخل كلا منا حلم كان نفسه يحقق

الوقت ما اتاخرش ؟

يمكن تتعب , تجتهد , تتعثر فى الطريق . او فى وقت كمان ممكن تقع . بس لازم تقوم تانى لان الحياة مابتنتهيش عند فشل ما

الدنيا مستمرة وانت الحياة ادامك مادمت لسه عايش وبتتنفس .

ناس كتير مش بتعرف تبدأ منين وبنقول حلمنا بعيد كتير هوه مكن يتحقق فى يوم بجد

اه مكن طبعا بس الطريق مش مفروش بالورود زى ما اولنا ومحتاج لنفس طويل والاهم انك ماتستسلمش

طيب مش عارف الطريق ومش قادر اشوف غير ضلمة

اول خطوة بس فكر فى حلمك

وده معناه انك تتغلل فيه ويكون اخر حاجة تفكر فيها قبل ما تنام واول حاجة تيجى عى بالك لما تصحى .

فكر انك حققته وعيش على الاساس ده مع نفسك

صدق انك تقدر

لازم تصدق نفسك وتدعم حلمك لان مافيش حد حايصدقك ازاى انت ما صدقتش نفسك

المعنى ان حلمك مجرد افكار فى عقلك فمافيش حد شايفها غيرك

انما لما تتعامل على الاساس ده وانك مصدق نفسك حاتلاقى اللى حواليك صدقوك

جزأ حلمك

وده حايجى مع الوقت لان فى البداية م بتكون شايف حاجة او مش عارف الطريق اللى تبدأ منه بس مع الوقت بتشوفه

 

ما تستسلمش

لان مع الوقت وتحقيق الاحلام الصغيرة اللى هى درجات السلم للوصول لهدفك وحلمك الكبير بيكون فيه عقبات كتير وهنا بالذات بيستسلم ناس ياما

(كتير من اللى استسلموا ماشفوش هما اد ايه كانوا قريبين من النجاح )

العقبات والعثرات فى طريقك بتكون كتيرة صح بس ده زى النار اللى بيدخل فيها الدهب علشان يتنقى ويخرج من غير شوائب

العقبات دى لما بتعديها بتخرج منها اقوى وافضل وقادر اكتر على تحقيق احلامك

الوقت ما فاتش

يعنى امتى وانا قطار العمر فاتنى وعارف عندى كام سنة

كل دى اسئلة وحجج علشان نفضل فى اللى اتعودنا عليه حتى لو مش عاجبنا

اوضوع اصله كانه حكاية وليها عدد من الابطال يعنى فيه الناس والعقبات اللى بتقابلك والظروف طبعا واصرارك انت ومحاربتك مع نفسك الاول علشان تكون عكس المالوف ( اه عكس المالوف ماهم الناس دى مش الاغلبية بالعكس الاغلبية بترضى بالامر الواقع ومابيكنش عندها نفس طويل للاستمرار فبترضى بوظيفة مش عاجباها لمجرد خوفه من الفشل انه يجرب جديد او كلام الناس او ان ده مش اد المقام وانا شهاداتى ايه او برستيش ومش عايز يفقده )

عن نفسى من زمان كتير كتير

كنت بكتب صح بس ما كنتش عارفة ازاى ابدأ ومنين

اشتغلت حاجات مالهاش علاقة ببعض بعد التحرج

بس كان ديما الكتابة فى عقلى وعمرها ما خرجت منه

لحد لما بدأت انشر على المنتديات ودى كانت قبل جروبات السوشيال ميديا

وبعدها بدأ الموضوع كل حاجة فى الاول بتكون فكرة

بس الاهم انك مش تتخلى عن افكارك دى وافتكر ديما ان ربنا سبحانه وتعالى خلق جواك الحلم يبقى انت تقدر تحققه

لان ربنا سبحانه رحيم مش حايديك نعمة غير لما تعرف تتمتع بيها والافكار نعمة من ربنا سبحانه وتعالى ورزق

فصدقنى انت تقدر