الوجع المفاجئ

 اجمل متابعين فى الدنيا 

اليوم احب اكلمكم عن الوجع المفاجئ وازاى بياثر علينا وبيكون محور تغيير لينا فى حياتنا .

              **************

احيانا فيه احداث جلل بتحصل فى حياتنا . يعنى مرض او وفاة عزيز علينا . حاجة بتحس انها قلم على خدك اخدته من الدنيا علشان تفوق

الوقت ده بيعمل فينا حاجة من اتنين وهو بالمناسبة وقت مهم اوى

                     **********

يعنى هو محور تغيير ياسلب او ايجاب . يعنى حاتتغير منه وحايغير                                                                           حياتك بس انت اللى حاتختار ياتتغير للاحسن او تتغير للاسوا .

لان الوقت ده هو الوقت اللى الدنيا بتكون قاسية شوية معانا وشايفين منها الوش الصعب ووقت الشدة فيه جوانا حاجة بتتغير ويانحسبها صح او نحسبها غلط ونفكر فى نفسنا وبس يعنى كمقولة انا ومن بعدى الطوفان مافيش اى حد او اى حاجة بتفرق معايا وده التغيير السلبى او السئ اللى بنقول عليه .

                  ************

اما التاثير الايجابى وهو انك بتبدا تفكر من منظور جديد يعنى بتعرف وقتها ان الدنيا مش مستاهلة وان كلنا حايجى يوم ونفارق فايه اللى عملته فيها صح او ايه اللى حايتحسبلك فى ميزان حسناتك . علمت مين جبرت بخاطر مين عملت ايه تفتكرك بيه الناس بكرة وتقول ربنا يرحمه طيب رسمت بسمة على وجه حد من الناس كان ليك صدقة عملت عمل جبار وكنت بطل انقذت حياة حد حتى لو معنويا سددت دين حد كنت ايجابى وبتبث للناس الخير وبترشدهم علشان يكونوا افضل .

                  **********

الدنيا مش انت ومن بعدك الطوفان لا لانك رايح رايح فى الطوفان بس ليك ميعاد محدد الدنيا بالخير اللى بتقدمه فيها لنفسك ولغيرك ولاتنسى نصيبك من الدنيا عيش افرح احلم استمتع فى الدنيا مدام مباح ومش حرام بس كمان متنساش اللى حواليك لا تظلم ولا تقسى ولا تتجبر فيها لانك عبد فيها لاله اسمه الجبار قادر عليك لو اتجبرت على عباده يقسمك وجبار يجبر كسرك لو عباده ظلمتك