السعادة
اجمل
متابعين ومتابعات فى كل مكان ومن
كل القارات
اليوم حانتحدث عن مقال يمكن اتحدثت مع
بدايات المدونة
بس اليوم حاتحدث عنه بشكل مختلف
مقالنا عن السعادة
نعم السعادة
يعنى حاقول انا من وجهة نظرى ايه السعادة
وهل فيه طريق بناخده علشان نوصل ليها
او وصفة للسعادة
تعالوا نبدا
السعادة احساس وشعور جميل بيدفعك للامام
وبيديك طاقة كبيرة بتتحمل بيها اى ضغوط وتعدى اى عقبات
السعادة ابدا مش طريق
انما السعادة فى الطريق فى الرحلة نفسها
فى انك تتعب وتنجز وتتخطى العقبات
افتكر وقت الكلية والثانوى ان ده كان من
اجمل ايام حياتى الى الان طبعا عشت ايام جميلة والحمد لله بعدها ولسه بعيش ولسه
حاعيش اجمل ان شاء الله
ويمكن بعض الناس يتقول ايام الدراسة اه
افتكر ان وقت ما كنا بنخرج بدرى من الكلية
او محاضرة تتلغى يعنى ونخرج
بنكون فى منتهى السعادة
بنحس بالسعادة واحنا فى المكتبة رغم البحث
والتعب والقراية فى الكتب والدراسة بس بنكون فرحانين
السعادة فى مشوارك وكتير بيحسوا لما
بيوصلوا انهم مش سعداء بالقدر اللى كانوا يتمنوه
السعادة بالنسبة ليا كمنار هى قرار
نعم قرر انك تكون سعيد وانك مش حاتتاثر
باى حاجة خارجية
صح حايكون صعب شوية فى البداية كتطبيق
يعنى
حاتقول مش حاضايق اليوم وتخرج لك عشر
مشاكل ومواقف يضايقوك صح صعب فى الاول بس اللى حايسهل لك انك تحب نفسك
ايوه اعطى اولوية لنفسك
طيب هو فعلا فى وصفة للسعادة
هى دى الوصفة اهتم باللى بتحبه ومارسه فى
حياتك اهتم بنفسك وحبها وما تحاولش تتجبر على اشياء ضد نفسك او انك تيجى عليها فى
يوم
ووقتها لما تكون مسئول عن قراراتك وافعالك
وتعمل اللى يرضى نفسك طبعا بعد ربك ومن غير ما تغير مبادئك
حاتكون سعيد
تعليقات
إرسال تعليق