تعاملى كما تحبى ان تتعاملى

 

احلى متابعين ومتابعات فى الدنيا

انهاردة حانكمل سلسلة مقالات الانثى

تعاملى كما تحبى ان تتعاملى

عاملى الناس زى ما انتى تحبى انهم يعاملوكى

كتير مننا بيشتكوا ان الناس بيعاملوها وحش او مش زى ما هى تحب

او هى بتشوفهم مش كويسين

مهو ماينفعش انى اعطى احكام مسبقة عن شخص وانا شيفاه سلبى فالطبيعى انه يعاملنى بسلبية

اذا غيرت نظرتى عن الشخصية دى بيتغير فى معاملته

عارفة ان الموضوع ممكن يبان ككلام مرسل بس حقيقى عن تجربة شخصية

كان فيه شخصيات فى حياتى كنت بشوف انى ابعد عنهم واقلص حدود المعاملة اساسا بلاش جدال

كنت شايفهم بنظرة سلبية الحقيقة

ولما قريت واتعلمت ده الحقيقة غيرت نظرتى عنهم حاولت اركز على الحاجات الايجابية اللى فيهم لقيت ان المعاملة بتتغير

حاولت اشوف بس الحاجات الايجابية

فيه كمان حاجة تانية لازم نفرق بين الشخص اللى بيغلط والخطا نفسه

يعنى نكره ونذم اوى الخطا انما الشخص اللى عمل الغلط مش حاننفيه يعنى وكلنا لينا زلات

وده فى دينا بنتعلم اننا نكره الخطا مش الشخص اللى بيغلط وفى النهاية كل ابن ادم خطا

لكن نركز على الايجابى لما ركزت على الايجابى فى الاشخاص لقيت ان

 المعاملة بدأت  تتغير وقتها ونقدر نقول

بدا تبقى المعاملة كويسة مافيش خناق  ان اصبح فيه هدنة يعنى

لما بنقول ان فيه شخصية فاشلة نبعد عنها بلاش تفشلك  لما بتشوفى النقاط الايجابية اللى فيها بس بيكون فيها نور لحاجة لما تركزى عليه بيخرج ده للناس اوقات مش بيكون عنده الشخص ده الثقة فى نفسه او حتى مش بيكون شايف النور ده فى نفسه لما بتركزى عليه بيتغير الشخص ده للاحسن  بيقوى

اذا عايزة الناس تحترمك لازم تتعاملى باحترام

لاننا كلنا عندنا جوانب سلبية ومتناقضة فى حياتنا

لان مافيش حد كامل بس كمان مافيش حد بيحب يتعامل باساءة او قلة تقدير

فعاملى الناس باحترام حتى لو هما نفسهم مش محترمين

عن تجربة شخصية فى الشغل

مع ناس نقدر نقول عنهم

( ابعد عن الشر وغنيله )

لما بتعامليهم بادب بيكنوله كل ادب واحترام

دى حقبقة مافيش حد كله وحش او كله حلو زى ما الناس بتتغافل عن زلاتنا احنا كمان لازم نتغافل عن زلات الناس

دى كانت حاجة اتعلمتها وحبيبت اشارككم بيها الناس مش كلها حلوة او وحشة كل شخص فيه ده وده

حبى نفسك واتعاملى مع الناس زى ما تحبى انهم يعاملوكى

وانتى حاتلاقى المعاملة اتغيرت

للاحسن

وانتى كمان حاتلاقى نفسك احسن لانك حاتبطلى تفكرى بسلبية

وعلشان نفسك اولا

 

استنونى فى مقال جديد