لكل حاجة ثمن

 

لكل شئ ثمن

اجمل متابعين لنا فى كل مكان

اليوم كما بعنوان مقالتنا سنتحدث عن الثمن ؟

اولا اعتذر عن انقطاعى عن المقالات منذ فترة ولكن من يتابعنى اصبح يعرفنى حقا اننى لا اكتب الا اذا وجدت شئ يستحق الكتابة واكون قابلته فى حياتى سواء كتجربة شخصية او تجربة مع اشخاص قريبين منى

 

والان وبلا كلام كثير ندخل فى موضوعنا

يعنى ايه منار لكل حاجة ثمن ؟

ده حقيقى كل حاجة فى الحياة ليها ثمن بندفعه سواء بفهم منا او لا

يعنى الشخص اللى بيعيش حياته بلا حساب عن عادات او مسئوليات بيدفع الثمن وقت ما يكبر وبيكون لوحده وقتها

وكمان مش بيكون حقق اى شئ

مثال تانى اذا اردت حلم او هدف حاتدفع ثمنه مجهود وتعب واصرار وكمان تغلب على نفسك والاحباط والفشل وده جزء حقيقى مش سهل ابدا ولكن فى النهاية بيصل الى ما يريد

حتى الحب اذا كان فاشل واحنا عارفين ده بندفع ثمنه الم وجرح ( بس حتى اذا كان ناجح بنتالم مع الاسف لاننا بنحب بشر وكل ابن ادم خطأ فبنجرح ونجرح ونتالم وده ثمن الحب )

الوحدة ليها ثمن , الصداقة . النجاح , حتى الفشل , كون شخص مجتهد او عامل جيد او حتى شاب فاشل ابن صالح او اخت سيئة لكل شئ ثمن حقا

فى راى انا  البسيط اننا دافعين الثمن دافعين

من حياتنا ومشاعرنا واجسادنا وراحتنا وتفكيرنا وارواحنا فليه ما يكنش الثمن لشئ جيد

حاجة انا عيزاها بجد وحاتخلينى احسن

 ليه اعيش فى حياة رفضاها وتعبانى واكون ضحية اذا انا اصلا حادفع ثمنها فى  حياتى

وكمان وقتى حاتحاسب عليه يوم القيامة

طبعا هنا انا بتكلم على الظروف اللى بايدك واللى تقدر تغيرها بدون سحق لحد تانى

كلامى هنا غير سارى على الظروف المؤقته اللى كلنا بنوضع فيها علشان نتعلم منها

مثال لكلامى ( شغل مش راضى عنه او دراسة او حتى حب وانت عارف ان الطرف الاخر غير كفء

يارب اكون شرحت اللى اقصده ووصل بشكل واضح

حياتك حاتتحاسب عليها فعيشها سعيد