سلسلة ما علمتنى الحياة 7

 

اجمل متابعين لنا فى كل مكان

اليوم احب ان اكمل معكم سلسلة ما علمتنى الحياة

واليوم نتحدث عن الالم والوجع اللى بيرفع لفوق

اجمل متابعين اصدقائى واصدقاء المدونة

قالوا زمان ( الضربة اللى مش بتموت بتقوى )

زمان كنت بقول ان الوجع ازاى بيقوى او المواقف الصعبة المؤلمة فى حياتنا ممكن يقوينا ده بيخلينا من اضعف ما نكون

بس فى الحقيقة لقيت ان المقولة صح جدا

والسبب فى صحتها ان وجعك فى اوله او فى اثناء الوجع وبعده بتكون صح هش جدا جدا ومش قادر وعلى حسب بقى الوجع ( جرح ولا خيانة ولا وفاة عزيز او فشل متكرر حادث اليم .... هو بيكون اى شئ عمرك ما تفكر انك ممكن تمر بيه وبيكون احساسه مرير كتير ) صح اوقات كتير بتفكر انك مش قادر عليه وانه جاى يهزمك بس الحقيقة انه جاى يقويك .

الحقيقة ان اللى بيشكل ملامحنا وشخصياتنا عبر السنين هو الجرح والوجع وتصرفنا معاه ومواجهتنا ليه والناس اللى بتخدعنا وتقع مننا فى الطريق .ازاى بنقدر نواجه ونعدى بعد كل ده .

صح الفرح والسعادة والحب مهمين لينا بس فى وقتهم بتلاقى الكل مشارك وصعب تفرق بين اللى معاك واللى بوشين .

فى شدتك بس اللى بيكون معاك الصديق , اللى بيحبك بجد وعايزك تكون اقوى .

(وصح دول مش كتير )

وقت ما تلاقى ناس كده فى حياتك حافظ عليهم جدا لانهم اصبحوا عملة نادرة بجد اليوم

نرجع تانى للوجع ازاى بس حايقوينى ؟

اه فعلا وقت ما تواجه وجعك وتصبر عليه بتلاقى نفسك بتتغير  على فكرة كتييير من الناس بتنهار ومش حالومهم .

فى النهاية ده قرارك انك تتحدى . الصبر اوقات مش بتحتاج غير مجرد الصبر مع انك تثق فى ربك ان ربنا بعتلك الموقف ده علشان يعلمك ويقويك . بتعرف بعدها انك اصبحت بجد اقوى ومش بتتاثر بسهولة زى الاول

وبتقوى علاقتك بربك اوى. وبتعرف ان الكل مفارق ولا باق غير الله سبحانه

بس حاذر حتى الوجع والالم ده فتنة كمان

اوعى تبعد او تشك للحظة ان ربك نساك

اول ما يجى الوجع اتمسك اوى بالله وصدقنى حاتقوى  

اشوفكم فى مقال جديد .

وعلى فكرة الفترة الجاية باذن الله حانكمل باقى اجزاء المقال اللى نستها فى تسارع الحياة .