انت مش لوحدك

 حلى متابعينلنا فى كل مكان 

انهاردة حانتكم عن حاجة حانقسها ل3 مقالات متتلية ستنزل يوم بعد يوم

مقالنا اليوم باسم  

على فكرة احنا مش لوحدنا

كتير بنحس بحاجات ونقول ان احنا بس اللى حاسينها ( تعب – وجع – شقى – مشاكل ورا بعض – مرض – قلة فلوس مافيش حد حاسس بيك ) 

بتحس وقتها وكان كل المشاكل اتراكمت كده ورا بعضها وتقول فى نفسك هو مافيش غيرى استغفر الله العظيم بس هو مش انت لوحدك اللى كده على فكرة ده كل  الناس تقريبا .  الموضوع كله ان دى اختبارات من ربنا سبحانه بيقيس بيها مدى الايمان جوانا به سبحانه .

طبعا ربنا سبحانه عارف بعلمه المسبق انت ايه بس الاختبارات دى علشان تكون حجة لينا وكمان اوقات بتكون حجة علينا 

وده حاتعرفه لما تدقق اوى فى وقت انت عارف تفكر فيه وتعيد شريط حياتك . وتستعيد ذكرى لحادثة او مصيبة كانت تقيلة على قلبك وقتها, لما تفكر فيها حاتعرف انها حصلت لسبب 

اما اتعلمت منها حاجة او غيرتك او خلتك احسن ( بس اوعى تغيرك للاسوأ ) 

يعنى الابتلاءات دى بتيجى علشان  ربنا بيحبنا , اه بجد فعلا ربنا سبحانه هو الغنى عنا وعن البشر جميعا وقادر سبحانه يفنينا ويفنى الخلق كله ويخلق خلق جديد . ولكن لما تحصلك حاجة وتجرى تصلى او تدعى افتكر انت اللى محتاج ربك اوى