التأقلم مع الظروف الصعبة

احلى متابعين لنا فى كل مكان

احيكم بتحية الاسلام والسلام السلام عليكم جميعا

انهاردة متابعينا حانتكلم عن :-

*  التاقلم مع الظروف الصعبة  *

الظروف اللى بنعيشها كتير بتكون اليمة ومرة ومش على هوانا بس مش هى دى الحياة ( ضربة بتيجى عكس ما احنا مخططين ليها ) اننا نتاقلم مع الاوقات الصعبة مهم كتير اوى اوى بس بردوا ده شئ صعب جدا جدا ومش حاقدر انكر ده وانك ازاى تثبت ومش تنهار حقيقى شئ صعب اوى اوى وبياخد منك كتير كمان . و اصلا اذا كانت الحياة فى روتينها العادى صعبة فما بالك لما تتقابل مع ظروف عكس اللى انت متعود عليه ومش بس كده لا ده عكس طبيعتك .

طيب وايه اللى حانعمله مهى الحياة مش ديما بتكون زى ما احنا عايزين .

اه ومع الاسف هو الاسهل  صدقنى انك تنهار وتنهزم ومافيش حد وقتها حيلومك , وقليل هما اللى بيصمدوا وعلى فكرة دول بيتاخد منهم كتير وكمان حاجات كتير بتتغير جواهم صحيح بس بيخرجوا اقوى اكتر من الاول ووقتها مهما مالت الدنيا عليهم ما بيتكسروش . اما اللى بينهار عمره ما بيرجع زى الاول انما بيكون اضعف او حتى بينكسر للنهاية .

مافيش حاجة فى الدنيا سهلة

بس حاقولك بما انى جربت الاتنين سيب شوية حب واهتمام لنفسك علشان لما الدنيا تميل عليك , او تيجى ظروف عليك قاسية وتقول مش حاتقدر اتحملها تلاقيك بتقوى نفسك بنفسك ومش حاتحتاج وقتها تضيع وقت ومجهود فى حساب مين كان معاك ومين مش اهتم بيك او انك تستنى الدعم من حد . لا ادعم نفسك بنفسك وافتكر دايما ان الكل مفارق بجد الكل ومافيش غير انت اللى حاتفضل مع نفسك ومعاك ربنا طبعا سبحانه وتعالى . وعن نفسى حاختار اقاوم واطلع اقوى عن انى انهار واضيع وعمرى وما ارجعش تانى منار اللى اعرفها .

على الاقل حاعرف ان اى حاجة حاتمر بيا حاقدر اواجها مهما كانت لانى مريت جايز باللى زيها او حتى الاسواء .

وافتكر ديما ان اجمل ايامك لسه ما جتش فاصمد علشان تشوفها وتعيشها .