مقولة لازم ندوس علشان نكون

مساء الخير احلى فانزى

انهاردة حانتكلم عن مقولة لازم ندوس علشان نوصل

انا طول عمرى كنت ضد المقولة ددى يعنى ادوس على اهلى حبى اصدقاءى علشان اوصل لحلمى او اهدافى انا بشوف ان ده وصولية ومش وصول للحلم بيكون وقتها القلب مش صافى والحلم منتقص مهما وصلت

بس انهاردة انا حاضيف فهمى لمعنى المقولة لازم مش ندوس لا لازم نكون اشخاص اكثر ذكاء ونبعد نفسنا عن اى مشاكل او مشاحنات خارجية يعنى مش نكون فريسة للظروف الخارجية لا فيه مشكلة خرج نفسك منها

يعنى انا بقول لازم نكون انفسنا علشان نوصل لاحلامنا

الانسان اللى بيكون فريسة للمشكلات اللى حواليه

عمره ما بيقدر يوصل للى بيحلم بيه ابدا

طول الوقت بيكون فيه عائق وفيه مشكلة عليه حلها او الاهتمام بيها , اوك موافقة اننا لازم نكون متواجدين وداعمين لعائلتنا

وخصوصا اذا انت او انتى فى مكان مسئولية

بس مش معنى ده ابدا اننا نكون فى اخر اللستة ديما

بمعنى اننا لازم يكون فى وقت فى جدولنا اليومى لانفسنا

ايه اللى حاننجزه انهاردة لنفسنا .

يعنى مش بس مسئوليات العائلة والعمل لا وسورى فى ده لازم شوية انانية لانك اذا مش اخدت وقت لنفسك وقتها حاتحس باستغلال اللى حواليك ليك وحتى روحك حاتحس انها بتتخنق

وعلى فكرة كلامى مش موجه بس للى عنده حلم او هدف لا

على الرغم من ان المفروض بداخل كلا منا حلم نفسه يحققه حتى لو كان الحلم ده بسيط او صغير

يعنى حتى اعظم واكبر الاحلام بنجزأها لاهداف صغيرة علشان يسهل تحقيقها . وما نحسش وقتها بالعجز . انما اللى اقصده حتى لو ماكنتش عارف ايه هدفك حتى اذا انتى ربة اسرة وام لا

مش ينفع انك تقضى كل وقتك بين متطلبات البيت والاولاد والزوج وتنسى نفسك وزى مقولة  سمعتها من كتير من ناس اعرفهم

ولن اذكر اسمائهم ومنهم صديقة عزيزة على ( ان فين الوقت اليوم بينتهى وبيكون نفسى اروح انام مافيش وقت لنفسى بين البيت والاولاد )

اسفة سيدتى لازم توجدى الوقت علشان نفسك والا فى فترة ستجدى ان ما اختارتيه اصبح عبء نعم حاسة انى بعمل ده مجبرة وماليش نفس

حتى لما ببص لنفسى فى المراية وكانى شخص تانى مش اعرفه

خلى  فى يومك وقت لنفسك وصدقينى حاتحسى بالتغيير

وحاينعكس على كل حياتك

يعنى حبى نفسك واهتمى بيها وبكل اللى عايزاه وبتحبه من اشياء علشان تقدرى تهتمى بمسئولياتك التانية

حانجيب وقت منين

اوك قبل ما تنامى لازم تكونى حاطه خطة انا حاعمل ايه الصبح

لسته فى ورقة صغيرة اكتب فيها اهم الاشياء ومنهم طبعا اللى انا عايزة اعمله لنفسى

لحلمى لهدفى

وقتها حاتلاقى نفسك اول كام يوم بتنفذى جزء وتسيبى

كام مهمة  ولكن اذا استمرتى بتلاقى ان كل يوم بيزيد عدد المهام اللى بتنفذيها وبيجى اليوم اللى بتخلصى اللسته وبيكون فى وقت فراغ كمان اه والله . بس احذرى فى البداية حايكون الموضوع ممل ما تستسلميش فورا

وكمان ما تنسيش ان الدنيا اتخلقت فى ست ايام يعنى

مش كل حاجة حاتنتهى

لا الاهم فالمهم وعادى يعنى لما مهمة او اتنين ما يتنفذوش مش حاتنخرب الدنيا

خليكى مرنة ومش تضايقى بسرعة

واللى عنده حلم ابدا مش فى يوم وليلة حاتنجح لا صدقنى

انا الى الان بحاول وكتيييييير بقول لنفسى ليه التعب بس

 لما بلاقى ان فيه ناس بتحب اللى بكتبه وانى انجزت من 2015 الى الان بقول لا يستحق على الاقل افعل شئ اؤمن به واحبه

كل شئ فيه تعب . يعنى اذا عملت حاجة بتحبها او مشيت لخطة موضوعة ليك فالاتنين فيهم التعب والملل والاجهاد وناس بتقف فى طريقك . بس لما تكون بتعمل حاجة مؤمن بيها وبتحبها  ده بيفرق كتير

كتير قالوا  لازم ندوس 

                        علشان نكون 

والمعنى ايه 

              انى ادوس حبى وحياتى 

عيلتى انا ولا 

             صحابى 

واعيش لمين انا وقتها  

                     ادوس علشان ال احقق امنياتى 

       

وازاى افرح انا و  انبسط    

   

 وانا من جدورى    علشان اكون ال يخلعونى

 استونى فى مقال جديد