اهتمى بنفسك ايتها الانثى

متابعى مدونتى الكرام انهاردة حايكون مقال جديد فى ركن المراة

ولكن اذا كان الموضوع يخص المرأة فليس معنى هذا ابدا ان الرجل 

مالوش نصيب لا عزيز الرجل ملحوظة لك

 **** اذا كانت المرأة التى فى حياتك ( ام – اخت – زوجة – ابنة ) 

بخير وأتحدث هنا ليس عن الصحة الجسدية فقط بل النفسية ايضا , لان 

المرأة صحتها النفسية عندها اهم وتلك هى النقطة التى اريد توضيحها

اليوم مع القاء الضوء على عدة نقاط علينا الاهتمام بها جميعا لنكون احسن .

عزيزتى الانثى  : اذا كنتى ام او طالبة عاملة او ربة منزل او متزوجة 

حديثا او متخرجة وجالسة بالمنزل نفسيتك هى الاهم لاننا وكما تعلمون

 علينا العديد من المسئولية كل يوم والعديد من الاعمال ايضا والضغوط 

الكثيرة ولهذا كله علينا ان نكون افضل لكى نتحمل كل ذلك ولاننا 

اوقات كثيرة نتعب جسديا ولا نهتم ولكن عندما نتعب نفسيا لا نتحمل ونتغير على الفور .

طبيعة الانثى متغيرة عن الرجل فلأن عقلها مترابط افكاره دائما ولا 

تستطع ان تفكر فى شئ مستقل بل بعلاقته بكل شئ . لذلك نفسيا نتعب 

اكثر لاننا فى اوقات نفكر بمشاعرنا وعقولنا معا بعكس الرجال التى تفكر بعقولها .

🌟  تحدثى واحكى ما تشعرى به :  والان نحن نتعب كثيرا من الضغوط ونتحدث فيما بيننا ولكن البعض منا  ليس لهن صديقات او بنات كبرى لهن تاخذهن كصديقات ولهذا عليك عمل صديقات لك واذا لم تجدى فمذكراتك هى صديقاتك واحرصى ان تكون صديقاتك جيدات ولكن توجد اسرار عليكى الا تتحدثى بها ابدا ولذلك فجدى لنفسك اجندة واصنعى منها مذكرات لك تدونى فيها كل شئ لست قادرة على التحدث فيه مع احد .

  🌟 اهتمى بما تحبى او بمعنى اخر مارسى هواياتك التى 

تركتيها ونستيها مع الزمن , لكل منا هواية او شئ تكون سعيدة 

وهى تمارسه وهذا  ما عليك فعله واياكى وجملة مافيش وقت ,

 اصل الاولاد وشغل البيت لا سيدتى ارجوكى فانا امرأة 

واعرف جيدا اذا اردن الوقت نصنعه .

 🌟 اياكى ومضيعات الوقت : فيه حاجات كتير بتضيع وقتنا على مدار اليوم , امممم زى التليفزيون والمسلسلات اللى حفظناها والمشكلة ان نصها نكد وغم ليه بنعبى نفسنا بطاقة سلبية , او مكالمات بالساعات او تدورى على الفيس على مشكلات وتقريها سؤال من فضلك انتى عندك مشاكل تكفيكى فكرى تحليها الاول وبلاش تحملى نفسك عبء جديد

  🌟  ارمى اعباء الغير : هذة النقطة متصلة بالنقطة السابقة ولكن هنا اقول ان لا تهتمى بمشاكل لا تخصك جارتك او حتى ابنتك مشاجرة بالخارج موقف وانتهى مع انتهائه ارميه من تفكيرك وذاكرتك . صحيح الامهات لا تستطع ان ترمى اعباء اطفالها ولكن هم كبروا واصبح لهم حياة . واسفة ولكن تلك خيارتهم وقرارتهم وعليهم ان يعشوها وحدهم والا لن يتعلموا يوم .

لن تستطيعى حمايتهم كل الحياة فكما انتى اخترتى حياتك عليهم 

هم عيش حياتهم وتعلم تجاربهم الخاصة فاهداى فمع كل 

الاحترام عندما يكبروا يصبح ادواركم استشارية فلا تحزنى كثيرا

  🌟  اهتمى بنفسك : الاهتمام مش بياخد وقت ولا له سن اومى اهتمى ببشرتك واعملى ماسكات بشعرك البسى حلو ونضفى اكسسوراتك المركونة والبسيها . امممممم عارفة وسمعاكى حاتقوليلى امتى والبيت والمواعين والاكل بس بس البسى واتزوقى وروحى اعملى الاكل اه على فكرة بتكونى  احلى والحاجة  بتخلص بسرعة لانك بتكونى سعيد .

 🌟  اعملى اللى بتحبيه حتى لو مافيش حد فاهمك : مش لازم تبررى كل حاجة انتى بترتاحى وانتى بتسمعى موسيقى او حاجة معينية وانتى بتعملى شغل البيت ليه لا اه طيب اصل جوزى بيزعق او الاطفال بابا وماما بيتريقوا عليا . اممم ايه المشكلة انتى بتكونى مبسوطة تماما مش شرط تبررى المهم انك تكونى سعيدة (وده ابدا مش مبرر انك تهملى كلام اهلك او جوزك وتقولى منار قالت حاه )

  🌟  اتعلمى حاجة جديدة : اوعى يفوت يومك من غير ما تتعلمى حاجة جديدة اى حاجة وفى اى شئ اتفرجى على فيديو لاكلة لبرنامج لعادة مفيدة حتى لو تسريحة شعر او لفة طرحة المهم اتعلمى حاجة جديدة حاتحسى ان اليوم لم يضيع على الفاضى وانك انجزتى حاجة لنفسك .

 🌟 احلمى : يمكن كتير منا بطلتن تحلم الحلم مش بينتهى مع الزواج او اول طفل لا سيدتى احلمى بانك افضل بانك خسيتى بانك احلى بانك خفيتى احلمى وكل الاحلام بتتحقق بس انتى عليكى انك تتمسكى بالحلم لانه حلمك انتى مش حلم حد تانى

 🌟 العبى رياضة : حتى لو مجرد انك حاتمشى مافيش وقت او مش قادرة تنزلى الجو ساقعة امشى فى البيت ازاى منار عادى اعملى 10 دقائق روحى وتعالى حركى دراعك من المعصم فى دوران  او الرجل , حركى رقبتك فى دوران . اظن كل دى افكار لحركة بسيطة ومش متعبة\

صدقونى حاتكون افضل جسديا وصحيا كمان واول حاجة 

حاطلبها منكن حبى نفسك واوى كمان كونى المفضل عند نفسك 

واقبليها زى ما هى لانها الوحيدة اللى فضلت معاكى فى 

اصعب الظروف وقت حبك ووجعك حتى لو زعلانة منها حتى 

لو مش عجباكى فى حاجة اقبليها زى ما هى علشان تعرفى 

تغيريها حبى نفسك لانها تستاهل بجد . واوعى تستسلمى فى 

يوم لاننا خلقن لنتحمل ونكون اجمل عندما نؤدى دورنا الذى 

خلقنا من اجله  نكون اسعد . كونى انتى

على فكرة كل النصايح دى انا بعملها مع نفسى وكنت بتخانق 

مع منار كتير فى الاول مع نفسى يعنى بس خلاص لما تقبلتها 

عرفت اغيرها يارب اكون قدرت افيدكن ايتها النساء .

تحياتى كل النساء

بحبكم كتييييييييييييييييييييير