الفراق 1( كيف تتغلب على الفراق )

احلى متابعين

وحشتونى وعايزة اشكر كل الناس

 اللى متابعانى من كل دول العالم 

حانتكلم انهاردة عن الفراق

وفى البداية حايكون المقال ده ليه جزئين الاول والثانى

ولكن انا حابدا من النهاية ازاى نتخطى الفراق

وبعد كده حاقول عن اد ايه صعب الفراق ومعايشته

انا اتحدث عن الفراق بكل اشكاله

سواء برضا الشخص اللى فارق او غصب عنه

ومعنى كده سواء فراق ناس موجودة فى الحياة

او هما تحت التراب حاليا

الفراق :-

حتى تتخطى الفراق عيك باتباع العديد من الخطوات

   🌟   خليك مع ربنا : يعنى اعرف ان مافيش   

حد دايم وما دايم الا وجه الله الكل ماشى حضرتك وانت لوحدك فى الاساس

ربنا هوه اللى معاك على طول وخلقلك نفسك

فماتدورش كتير وفى كل وقت خليك مع ربنا

ارجعله لانه مستنيك وحنين اوى عليك صدقنى

    🌟  عيش الاحساس :       

اه تعايشه مشاعره بكل ما فيها من الحزن وصعوبة التاقلم على الحياة بعد الشخص اللى فارقته اياك ثم اياك انك تدفن حزنك فى عمل اى شئ شغل مثلا او انك تمثل التناسى

لان ده بيتعب اوى ومش بتنسى زى ما انت فاهم ولا حتى بتعرف تتاقلم . وزى ما ياخد منك يوم شهر اتنين عيشه ابكى صرخ نام بتكون متقلب المزاج اوك

مافيش مشكلة شوية وبترجع كل حاجة للاول

تانى وبتعرف تتاقلم اسرع

صدقنى انا مريت بالفراق مرتين فى حياتى وزى ما حاحكى اكتر فى الجزء الثانى من المقال عن تجربتى

انا مريت بده مرتين من ناس حبت تفارق وانا

فى الحالة دى بصراحة مش بتمسك باى شخص عايزة يمشى

عايز يمشى او تمشى اتفضل واتفضلى

حياتى مش واقفة يعنى عليكم

لان اللى حابب يفارق وانت بتتمسك بيه وقتها اذا فضل معاك بيكون فى نفسه بيستهزا بيك واكيد اهميتك وقيمتك عنده مافيش والا ما كنش فارق من الاساس

وبالنسبة اللى بيفارق غصب عنه وهو مش معانا فى الدنيا دلوئتى

الاتنين اصعب من بعض يعنى احساس صعب كتيير

بس اذا قابلته فى يوم وحاتقابله كتير مع الاسف لان الكل مفارق

ودى هى الحقيقة زيها زى الموت اللى حانروحله كلنا

              🌟  اياك انك توقف حياتك         

اللى فارقك برضاه مايستهش انك تاخد من عمرك فى تفكيرك فيه

واللى فارق غصب عنه ماكنش بايده انه يسيبك فعيش مع كل حاجة سابها فيك واحى ذكراه بحبك ليه بخصاله اللى اتعلمتها منه بدل

البكاء عليه لانه مش حاينفعه ولا ينفعك صدقنى

              🌟  صادق نفسك :      

غريب لا نفسك معاك طول الطريق من يوم ما اتولدت لحد مماتك حتى الحساب حاتكون معاك

ليه دايما ناسيها ومخليها اخر حد ممكن تفكر فيه

الفراق جاى جاى فماتخافش منه لانك اكيد مقابله

فصداقتك مع نفسك هى طوق نجاتك لانك لما تعرف ان الحياة

كالقطار بنتعرف فيه وكل واحد بينزل وانت بتوصل طريقك لوحدك

نفسك هى الداعم هى حبك هى صديقك هى حبيبك هى الاولى فى حياتك وهى اللى مش حاتسيبك ابدا ( وهنا انا مش بدعو للانانية ابدا الموضوع كله ان انت بتتعذب وتتالم لوحدك وبتفرح وتجتهد وحدك يعنى فى حزنك وجرحك وحبك وفرحك بس معاك نفسك وبس وعلشان كده لازم تحبها وكتير علشان تعرف تحب اى حد تانى )

🌟  خلى عندك هدف او حلم : 

 لان وقت الحزن على الفراق ممكن جزء منك يضيع فيه وتتغير طباعك بس اذا عندك هدف نفسك توصله حاتلاقيه خرج يدفعك لتحقيقه وانك ما تتمداش فى الحزن ده

       🌟  لما تحب حد حب بجزء منك بس :    

وده معناه انك حب اه بس حب نفسك الاول لان حبك لنفسك ده هو اللى حايمنعك تقع بعد اى فراق واى كان نوع الفراق ده حاتعرف ان انت تستاهل انك تعيش وحاتتحسن الايام بعد كده وان ده مش نهاية الدنيا

استنونى فى الجزء الثانى من المقال اوك