انتشار الردئ فى حياتنا
احلى متابعين السلام عليكم
انهاردة موضوع جديد ومش عارفة حاضيفه لاى مجموعة من المقالات بجد
المهم تعالوا ندخل فى الموضوع كتير بتلاقى وفى كل المجالات بصراحة انتشر
اوى الجيد والسئ او الردئ
انا حاتكلم انهاردة وربنا يستر ههههههههه عارفة ان فيه ناس كتير حاتزعل بصراحة
وحاتهاجم يمكن بس انا صريحة وكتيير زى ما عودت متابعينى مع احترامى الشديد للجميع
بس انا واضحة كتير
الردئ انتشر وبشكل كبير اوى حاليا فى كل حاجة اللغة واللبس والافلام
والاسلوب والاغانى و ................. بصراحة تعبت من العدد القائمة تطول
طيب مش حاناقش الاسباب حاليا ولا انا هنا علشان اهاجم حد بس بصراحة ما
ينفعش اسكت وزى ما قولت ناس كتير ممكن تزعل انا حاتكلم عن تجربتى فى الجيد والردئ
زى ما عودت متابعينى من تجاربى الشخصية بس مع الكتابة والكتاب ( طاخ طاخ ربنا يستر
من لا نضرب انهاردة )
طيب انا بكتب اذا عندى فكرة تستحق تحبير الورق صح مش مجنون يعنى حاقوم اجيب
ورق ولا افتح ورد علشان شوية رغى وكلام فارغ وبس ................ ( قالولى كتير
اسكت حانضرب )
المشلكة ان ده موجود وكتير يعنى انا ايه اللى حاستفيده لما اكتب عن حاجة
مالهاش لازمة ولا فيها اى فكرة ولا حافيد بيها حد . طيب مش حرام الورق والحبر طيب
ايدك توجعه من الكتابة بلاش
ههههههههه بصوا انا اسلوبى معروف فلنقل خيرا ام لنصمت يعنى عندك معلومة ,
نصيحة , فايدة عامة او حتى فى طابخة قولها انما قصة او رواية شوية حوارات على كام
مشهد مثير وتقولى رواية لا بجد كده كتييييييير ليه طب استفدنا ايه حضرتك بتفتكر ان
كده الناس حاتقراها يعنى طيب اللى حايحب النوع ده مع احترامى للى بيقرا النوع ده
او بيكتبه لانه انسان . لكن حايقرا انهاردة وبكره حاينضج فيرميه ويندم يمكن فى وقت
على اللى دفعه فيه
وبعد كام سنة طبعا ما نسمعش بيه . يا جماعة الاصلى بيفضل اصلى , يعنى الذهب
طول عمره ذهب مش بيتحول نحاس والوقت لما بيمر عليه بيزيد معاه او على الاقل بيبقى
زى ماهوه ذهب انما الفلسو بيجى يوم ولونه يروح ويبقى زى قلته
حاجات كتير لما بدات كان الرد على تسويق الردئ اصل الناس عايزة كده بداية
من الافلام الهابطة والاغانى اللى مالهاش معنى فى اشعارها او حتى بكلمات بذيئة .
الناس عايزة الافضل
ممكن تمشى وتنجح بس لوقت والناس تفوق وتلاقى حاجة تسمعها بجد ووقتها تندثر
عادى يعنى لحد انهاردة الناس بتسمع ام كلثوم وفريد ومكاوى ورشدى وحليم وبتقرأ لنجيب
والعقاد وطه حسين انيس منصور
اختار انت عايز ايه تبقى حد باقى ولا يومين وتعدى
تعليقات
إرسال تعليق