مساء الخير على الجميع سورى على تاخيرى انهاردة بس ده بسبب تعب مفاجأ من القولون والحمد لله
تعالوا انهارد عايزة اكلمكم عن سلسة جديدة متهيالى ناس كتير حاتحتاجها انا ولحد الان بحتاجها
ايوه هى زى ما قريتوا العنوان
تعليم الذات
التعليم فيه ناس حاتقولى تقصدى التعليم الحكومى حاقولك لا بس ده لابد منه علشان ناخد الشهادة
نبدأ من البداية ونخلى مقالنا انهاردة رقم 1 فى السلسة
التعليم الحكومى لابد منه يعنى مش ينفع تهرب من المدرسة ولا تقولى مش بتعلم حاجة اه صح تعليمنا اصبح صعب كتير وده على مستوى الوطن العربى مش بس فى مصر حتى الخاص منه وكمان الدروس الا ما رحم ربى وانا اكتر حد متفهمة لده لانى مدرسة فى الاساس
بس حاتكلم انهاردة من وجهة وزاوية يمكن مش تكون موجودة اوى
الظروف والتعليم
بمعنى فيه اوقات كتير واحنا لسه فى التعليم الحكومى ظروفنا بتجبرنا مش ندخل الحاجة اللى عايزنها حاسيب التنسيق على جنب ومش حاتكلم عليه بصراحة هههههههه لانه يجيب وجع راس مزمن
بس اذا انا حابب ادخل كلية او ثانوى عام مثلا وظروفى مش متاحة لده مافيش مشكلة ادخل ثانوى صناعى او تمريض او زراعى المهم اكمل وبالنسبة للولاد ممكن تشتغلوا وتتعلموا عادى بس انا بتكلم على البنات اكتر هنا او اللى مش يقدر يعمل ده
طيب حاتقولولى بكده حلمنا ضاع وانتهى لا انسى مين ده اللى ضاع .
الدنيا ادامنا وحياتنا محطات كل شئ بنعدى بيه محطة وبعدها بيعدى وبنتعلم منه واذا انت كنت عايز ثانوى علشان تدخل كلية فى التعليم المفتوح اى ثانوى تانى غير العام يعنى واطلع اشتغل اى شغلانه بقى (حلال طبعا حاه ) وبعدها ادخل كلية مفتوحة ماشاء الله واحسن حاجة عملوها الصراحة ان التعليم بقى مفتوح يعنى فى اى وقت حضرتك تقدر تتعلم .
حتى اللى كان نفسه يدخل ثانوى عام والظروف منعته ومفكر القطار فاته لا يا حضرت القطار لسه بيجى المحطة واذا رحت حاتلاقى تذكرة على فكرة عادى . يعنى تقدر تروح تدخل ثانوى منازل وتتعلم وتشتغل وتحقق حلمك , بس يمكن انت مش عايز تخرج من منطقة الراحة او تسيب اللى اتعودت عليه
والكلام اللى عرفينه بقى
بعد ما شاب وده الكتاب ...... وعلى اخر العمر حانذاكر تانى .......... اسفة بس ده كلام لا بيودى ولا بيجيب انا اه هو لحد انهاردة بتعلم مش عيب
عايزة اسال حضرتك ولا حضرتك ايه اللى حايحصل اذا روحت واتعلمت من تانى اذا ده كان حلمك يعنى . عمرك حايكبر يعنى بعد سنة حاتلاقى عمرك زاد سنتين مثلا هههه طبعا لا هى هى بس الاهم انك حاتكون حققت اللى بتتمناه ومعاه حياتك اتغيرت
انا بالنسيبة ليا فيه حاجتين
اما انى افضل اتمنى واحلم بالحاجة اللى عايزاها , او ادور ازاى احققها مش يفرقش بقى حاحقهها امتى وحاتاخد منى اد ايه
د منى حياتك بتعيشها مرة واحدة ماتنساش
وحانهى كلامى انهاردة بقصة حقيقية حصلت معايا وانا فى اولى كلية يعنى الكلام ده كانت 2005 تقريبا نهاية 2004 والله مش فاكرة اه من زمن كبير هههههه
فى اول سنة للكلية رحت اخد كورس انجليزى طلعت من الثانوى نسيت كل حاجة وقولت حابدا من البداية لسه حاذاكر علشان امتحن واعرف مستوايا مافيش وقت ابدأ من الاول واه هو اراجع معلوماتى
انتبهت للشخص ده فى ثانى او ثالث محاضرة تقريبا وكانت مدرسة الكورس بتخلينا نتعمل المحادثات مع بعض يعنى شخصان او اكتر حسب شخوص المحادثة ونتكلم احنا بدل ما نقراها كلا على حده ولقيت راجل كبير سنه يجوز فى اخر الخمسين او بداية 60 كمان ولما طلبت منه المدرسة انه يعد وهو بيتكلم قالها لا انا جاى اتعلم كان نفسى اعرف اللغة من وقت ودلوئتى انا عندى وقت فراغ وعندى الامكانية ليه ما اتعلمش .
العملخص من القصة مالش انا عمرى كبر ورجل بره ورجل جوه وسيبك لا عمل اللى كان نفسه فيه .
طيب انا انهاردة اخدت نقطة الظروف بالنسبة للتعليم الحكومى
او اذا كنت فاكر ان عمرك كبر على انك تكون طالب
استنونى بكرة نكمل كلامنا واى حاجة تحبوا نتكلم فيها ابعتولى فى التعليقات او على البيدج
تعليقات
إرسال تعليق