سلسلة ما علمتنى الحياة 5

مساء الخير على احلى متابعين وحشتونى كتير

انهاردة حانتكلم عن الخيال اه هاه

الخيال

                     

وحانعتبره تكملة لسلسة ما تعلمته من الحياة لان بصراحة الخيال كان معايا لوقت طويل من حياتى وكمان فادنى كتير تعالوا نشوف ازاى
الخيل الجيد طبعا او حاسميه احلام اليقظة زى ما انتوا حابين المهم اننا نتخيل طبعا واحنا صاحيين ايام وشهور عدت فى حياتى صعبة ومش كنت بقدر اتحمل اعيش فى ضغط نفسى سواء ايام اكتئاب او مرض لاحد افراد اسرتى وفاة شخص عزيز عليك , او انك مش لاقى شغل .حاجات كتير بتمر علينا ومش بنقدر نتعايش مع الظروف وبنحس بالضغط وبيكون لازم نهرب او حانتعب نفسيا كتير وده دور الخيال الحقيقة انك بتكون فى نفس مكانك ولكن عقلك فى عالم تانى وده مش قلة تقدير للاحداث او عدم اكتراث للاشخاص , لا انما نقدر نقول قسط من الراحة بناخده علشان نقدر نكمل ونشيل اعباء الحياة ونقرر صح وكمان الخيال الايجابى انا حاسميه . بيقدر يعيشك فى المستقبل وفى المكان اللى نفسك تكون فيه . لو انا بدور على شغل وقربت اكتئب لما اتخيل انى بشتغل الشغل اللى عايزاه وبنجح فيه . الدقائق دى بتخلينى احسن واكمل تدوير وانا نفسيا متفاءلة وده بيرجع لان . العلماء ديما بيكرروا كلمة ان العقل مش بيقرف بين الواقع والخيال ومشاعرك وسلوكك نابعين من فكرتك . فعلشان كده بتحس انك احسن
بس فيه كمان مساؤى للخيال
وهى انى كنت اوقات بسرح فى خيالى ومش بلاقينى حققت حاجة فى الواقع وده طبعا غلط انى انسى الوقت فى خيال وما احققش اللى انا عايزاه فى الواقع
فاحيانا كتير بيكون نافع وخصوصا اذا فى ظروف كان نفسك تهرب منها وماينفعش وقتها اهرب بعقلك لخيالك
مستنياكم فى موضوع جديد