مساء الخير اعضاءنا الكرام نكمل السلسلة الثالثة لنا وهى الصعوبات التى تواجهنا فى الحياة .
انهاردة حصل معايا موقف فكرنى بايام انا عشتها من زمن واكيد فى الكثير ممن يعانى من ذلك .
انا حاتكلم عن الحالة مش الموقف الحالة هى
حالة التعب والمزاج المتقلب والتخبط
اللى كلنا بنعيش فيها فى فترة من حياتنا .
انا عشتها فى ايام كتير من حياتى بصراحة احساسك انك مش عارف ايه اللى جاى او انك مش قادر تغير وضع انت فيه وعلشان كده كل ما تفرح او تلاقى نفسك بتركز فى حاجة , بترجع تانى لنفس الحالة بتاعت التخبط والتعب .
طيب ايه الحل انتى من تجاربك عرفتى ازاى تتغلبى عليها .
فى وقتها طبعا مش كنت عارفة اعمل ايه بس بعد الوقوع فى الحالة دى اكتر من مرة وبعد صراعات مع الحياة وتخبطات ووقوع ووقوف اكتر , عرفت بجد ان الدنيا ماتستاهلش صحيح فيه مواقف بتتعبنا وظروف بتاثر فينا اكتر بس كله بيعدى يعنى عدم الاهتمام بالامر وكانه حصة فى المدرسة لمدرس مش طايقه ولازم اعديها لانها مفروضه عليا حاتعدى احيانا الحل بيكون فى الطناش اه اطنش الموضوع من اساسه واعيش حياتى .
ازاى اكبر دماغى او ابدى عدم الاهتمام بحاجة عايشة فيها فيه مقولة كانت بتقولها جدتى الله يرحمها بص لعيشة الاقل منك ترتاح وده مش بس فى الاحوال المادية على فكرة انما فى كل حاجة وده عمره ما كان ضد الطموح بالعكس
خلى عندك طموح وكبير اوى طموح مالوش سقف لانك لما بتطلب بتطلب من رب الكون الخالق الاعظم لكل شئ فلما حاتفكر ان فيه ناس اقل منك حاتفتكر وتحس باد ايه نعم ربنا عليك عظيمة وفى وقتها حاتلاقى مشاكلك اللى عملالك اللغبطه دى بقت تافهة فى نظرك او على الاقل عرفت حل .
فى هنا نقطة عايزة الفت النظر عليها فى كتيير مننا بيقول يا ده يحصل يا خناق ومشاكل وفى بيوتنا كتير بيحصل ده ومع اصحابنا واخواتنا وحتى اهلنا . يا جماعة فى حاجة اسمها البدائل يعنى ايه يعنى مثلا انا عايزة انزل مع اصحابى فى مكان واهلى مش موافقين ولاى سبب بقى حاعمل مشكلة او حاتنكد ويجيلى احباط لا ممكن اغير المكان او حتى اخلى اصحابى يجولى المهم اغير الموقف سبب الرفض .
وفى حاجات كتير قيسوا على حياتكم اذا قابلك مشكلة اكيد لها حل واذا استعصى عليك الحل فكر فى بديل ليها يرضيك ويرضى الطرف الاخر .
وفى النهاية تقلب مزاجنا والاجهاد والتعب بيسبب لنا مشاكل كتير فى النوم والاكل ودى بتعمل مشاكل نفسية وعضوية كتير وصحتنا اهم من اى شئ فى الدنيا لان من غيرها عمرنا ما حانعمل اى حاجة او حانهتم باى حد .
العمر قصير كتير والصحة ممكن تضيع اذا اهتمينا بكل مشكلة صغيرة او كبيرة سبيها على ربنا لانه القادر انه يحلها ثقى تمام بربك واذا مش عرفتى تحلى مشكلتك ادعى ربنا كتير ووقتها صدقينى اذا دعيتى بثقة فى ربنا انه القادر حاتتحل ومن اوسع الابواب
استنونى فى مقال جديد
انهاردة حصل معايا موقف فكرنى بايام انا عشتها من زمن واكيد فى الكثير ممن يعانى من ذلك .
انا حاتكلم عن الحالة مش الموقف الحالة هى
حالة التعب والمزاج المتقلب والتخبط
اللى كلنا بنعيش فيها فى فترة من حياتنا .
انا عشتها فى ايام كتير من حياتى بصراحة احساسك انك مش عارف ايه اللى جاى او انك مش قادر تغير وضع انت فيه وعلشان كده كل ما تفرح او تلاقى نفسك بتركز فى حاجة , بترجع تانى لنفس الحالة بتاعت التخبط والتعب .
طيب ايه الحل انتى من تجاربك عرفتى ازاى تتغلبى عليها .
فى وقتها طبعا مش كنت عارفة اعمل ايه بس بعد الوقوع فى الحالة دى اكتر من مرة وبعد صراعات مع الحياة وتخبطات ووقوع ووقوف اكتر , عرفت بجد ان الدنيا ماتستاهلش صحيح فيه مواقف بتتعبنا وظروف بتاثر فينا اكتر بس كله بيعدى يعنى عدم الاهتمام بالامر وكانه حصة فى المدرسة لمدرس مش طايقه ولازم اعديها لانها مفروضه عليا حاتعدى احيانا الحل بيكون فى الطناش اه اطنش الموضوع من اساسه واعيش حياتى .
ازاى اكبر دماغى او ابدى عدم الاهتمام بحاجة عايشة فيها فيه مقولة كانت بتقولها جدتى الله يرحمها بص لعيشة الاقل منك ترتاح وده مش بس فى الاحوال المادية على فكرة انما فى كل حاجة وده عمره ما كان ضد الطموح بالعكس
خلى عندك طموح وكبير اوى طموح مالوش سقف لانك لما بتطلب بتطلب من رب الكون الخالق الاعظم لكل شئ فلما حاتفكر ان فيه ناس اقل منك حاتفتكر وتحس باد ايه نعم ربنا عليك عظيمة وفى وقتها حاتلاقى مشاكلك اللى عملالك اللغبطه دى بقت تافهة فى نظرك او على الاقل عرفت حل .
فى هنا نقطة عايزة الفت النظر عليها فى كتيير مننا بيقول يا ده يحصل يا خناق ومشاكل وفى بيوتنا كتير بيحصل ده ومع اصحابنا واخواتنا وحتى اهلنا . يا جماعة فى حاجة اسمها البدائل يعنى ايه يعنى مثلا انا عايزة انزل مع اصحابى فى مكان واهلى مش موافقين ولاى سبب بقى حاعمل مشكلة او حاتنكد ويجيلى احباط لا ممكن اغير المكان او حتى اخلى اصحابى يجولى المهم اغير الموقف سبب الرفض .
وفى حاجات كتير قيسوا على حياتكم اذا قابلك مشكلة اكيد لها حل واذا استعصى عليك الحل فكر فى بديل ليها يرضيك ويرضى الطرف الاخر .
وفى النهاية تقلب مزاجنا والاجهاد والتعب بيسبب لنا مشاكل كتير فى النوم والاكل ودى بتعمل مشاكل نفسية وعضوية كتير وصحتنا اهم من اى شئ فى الدنيا لان من غيرها عمرنا ما حانعمل اى حاجة او حانهتم باى حد .
العمر قصير كتير والصحة ممكن تضيع اذا اهتمينا بكل مشكلة صغيرة او كبيرة سبيها على ربنا لانه القادر انه يحلها ثقى تمام بربك واذا مش عرفتى تحلى مشكلتك ادعى ربنا كتير ووقتها صدقينى اذا دعيتى بثقة فى ربنا انه القادر حاتتحل ومن اوسع الابواب
استنونى فى مقال جديد
تعليقات
إرسال تعليق