مساء الخير على احلى اعضاء ومتابعين اصدقائى وحشتونى كتير
تعالوا نكمل انهاردة وثانى حلقة من حلقات ومقالات
بس تعالوا بينا نعرف الاول معنى منطقة الراحة ومعلش اعذرونى احيانا بتكلم بمصطلحات التنمية البشرية , مرة حانعمل مقال واكلمكم فيه عن نفسى.
نرجع تانى ونقول منطقة الراحة : المقصود بيها ظروفك ومشاعرك حياتك دلوئتى وتعودك عليها , انت اتعودت على الشغل ده او حتى لو معاملة بطريقة معينة , اتجاه معين او طريق بتاخده كل يوم من بيتك لمدرستك او شغلك مش بتحب تغير بتخاف من التغيير علشان الالم احيانا مجهود فراق لناس .
دى منطقة الراحة يبقى هى حاتعارض اى تغيير فى حياتك ده اتجاه فى عقلك حايبقى من الصعب فى البداية انك تسيطر عليه وعلشان كده حانقولك علشان تبدأ حاجة جديدة وعايز تستمر عليها لازم تجبر نفسك انك تعملها من اسبوع لاسبوعين او عشر ايام وبعدها بتعملها انت تلقائى لانها بتكون اتحولت لعادة .
وده طبعا لو كل واحد فينا فكر شوية حايلاقى ان فيه ده فى حياته بدات تدريب بس مكملتش , بدات اتعلم لغة وسبتها واظبت على ان اخس ومكملتش تمام يبقى لازم يكون عندنا اصرار ونجبر نفسنا علشان التصرفات الجديدة العقل مش بيحبها فنلتزم بيها لحد لما تصبح عادة وانت من نفسك وبدون ادراك منك حاتلاقى نفسك بعد كده بتعملها اوك .
يبقى اول حاجة وهى جت لوحدها الصراحة منطقة الراحة
ايه تانى ممكن يكون عائق ادامنا فى التعلم
الظروف : احيانا كتير بتكون ظروفنا عائق فى حياتنا ومش بتخلينا نعمل اللى عايزينه ودى اوقات بتكون مادية اجتماعية او حتى عادات وتقاليد ظروف صحية على الرغم ان مافيش مشكلة فى حياتك الا وهى مبعوتالك يعنى مش عقاب لا دى هى مقصودة علشان تتعلم منها حاجة . انا من الناس اللى مش فى اعتقادى الشخصى ان الظروف عمرها ما كانت عائق صعب يعنى ولكن تعالوا نتكلم عن كل حاجة منها باستفاضة شوية ومعلش استحملونى لان مقال انهاردة طويل شوية
الظروف المادية قولنا امبارح ان التعليم مفتوح بمعنى اذا مش قدرت انهاردة انى اتعلم حاجة ممكن بكرة وده يعنى المستقبل سواء القريب او البعيد حاقدر احسن امكانياتى المادية واتعلمها خلاص
طيب ظروف صحية : طبعا الصحة ربنا ما يحرم حد منها هى الاساس والاهم ولكن عندنا امثلة كتير عرب واجانب عمر ما كانت ظروفهم الصحية وقفت عائق ادامهم لا وفيه فيديو حاسيبلك اللينك بتاعه فى المقال الجاى ان شاء الله
ظروف اجتماعية او عادات وتقاليد : اذا كان حلمك او اللى انت عايز تعمله بيخضع انه مش حرام ومش عيب يبقى خلاص حاتبقى وحيد ومنبوذ ناس كتير اوى اتقال عليهم مجانين ومنهم توماس اديسون وعباس ابن فرناس وكانت نظرياتهم اساس لاختراعات كبيرة اوى عباس ابن فرناس واول محاولاته للطيران بعديها اخدوا فكرته وطورها الاخين رايت وصنعوا اول طائرة . وتوماس اديسون مكتشف المصباح الكهربائى
وهنا اللى عايزة اقوله مش اننا ما نسمعش لغيرنا وتبقى دعوة لان الشباب تتطاول على اهلها او بعض الناس تتطاول على معتقدات مجتمعاتها . ولكن اقصد ان كل الاحلام الكبيرة لقت ناس كتيير اوى تقف ضدها مش جنبها .
وده هو ثمن التعلم انت بتجتهد مش بيجى النجاح باللعب او الفهلوه يعنى
الوقت
كتير يبتحجج ان مافيش وقت وان اليوم يادوب وامتى , طيب انا بس عايزة اسأل سؤال هو اليوم كله 24 ساعة صح بس ليك ولغيرك يعنى صاحبك ولا جارك الناجح ده اللى بيعمل فى اليوم 15 حاجة بيجيب الوقت منين
حاجة حصلت معايا شخصيا فى بداية ما بدأت الكتابة على النت لانى بكتب من حوالى 19 سنة عمر طويل شوية ههههههه وقتها بدات كتابة على النت وكانت روايات كان من الصعب انى انزل حلقات واتابع تعليقات وارد وكمان اكتب واساعد والدتى فى البيت لا وكمان وقت الشغل والدراسة مصيبة حاجيب وقت منين وكنت كتير بنزل رواية مثلا وبعدى عليها شهور مش لانى بكتب لا عندى روايات واشعار وحتى مقالات ياما بس يادوب تظهر للنور بس كنت بتحجج بالوقت . وكنت لازم ابوظ حاجة يعنى اجى على الكتابة علشان الشغل او البيت علشان الكتابة وبس لحد لما عودت منطقة الراحة وخليت الكتابة عادة وانا اه هوه معاكم يوميا . وهنا بردوا بتدخل منطقة الراحة بتحليك تضيع الوقت علشان احساس التعب او المجهود على الرغم انك لما بتنسق وقتك بتلاقى انك مبسوط كتير وتفرح بانجازك وتفرح بنفسك انك قدرت تعمل حاجات كتير فى اليوم
كلام الناس
بص بقى حدث ولا حرج يعنى انا حاذاكر او حاتعلم لغة دلوئتى وانا كبير كده الناس حاتقول ايه وافرض قابلت حد اعرفه ازاى , منظرى ادام الناس .
عادى على فكرة تتعلم حاجة جديدة تفيدك بعدين وكمان ممكن جدا تستثمر اللى اتعلمه ماديا وتكسب منه ولا تفضل زى ما انت واللى خايف لا يتكلموا دول عليك بردوا حايتكلموا
الناس عمرك ما حاترضيهم والا حاتجن فانا فى راى واللى ماشية عليه مدام بعمل حاجة ما تغضبش ربنا ومش عيب وتريحنى وبحبها يغور كلام الناس
على فكرة خوفى من تقبل الناس ليا خلانى اعد اكتب فى بيتى 14 سنة من غير ما اعرف حتى اللى بكتبه ده حلو ولا لا وده كان اساس انى انشر باسم مستعار وهو سبيل مش اسمى الحقيقى منار
ناس كتير حاتقولى 14 سنة مجنونة بس هى دى الحقيقة بجد , عاداتنا وتقالدنا فى الاسرة انا من اسرة محافظة ازاى يعنى اكتب على النت , يمكن الموضوع فى البداية كان فيه جزء منه عدم ادراك بماهية النت يعنى وطبعا بالنسبة لعيلتى خوفهم عليا حانرجع لمنطقة الراحة .
فبلاش كلام الناس بليز اعمل اللى يريحك وبراحة على عيلتك لحد لما يفهموا اللى انت عايزة ويستوعبوه وقتها حايدعموك صدقنى ومش حايقولوا ده عيل واه هو بيلعب وطبعا ما يكنش حاجة مخالفة لتعاليم دينا او مخلة يعنى فاهمنى طبعا هههههه
تقريبا كده اخدنا معظم النقاط اللى ممكن حد يقف عندها السن واتكلمنا امبارح عنه وقولتلكم مثال حى . وعلى فكرة اللى بيقول كلام الناس بردوا انا فى مرة دخلت كورس لقيت زميلتى من الكلية بتدرسهولى , فى الاول ما اخبيش اضايقت وبعدي اجبرت نفسى انى اكمل لانى عايزة الشهادة انا كنت اعرف الحاجة اللى بتعلمها المهارة دى وبمارسها بس محتاجه الشهادة اوك وكمان هى بصراحة كانت عادى عرفتنى لباقى الكورس ان احنا زمايل ومافيش مشكلة عدت يعنى واخدت الشهادة وكملت معاها
كسرت جزء الانا فى نفسى وغرورى
نكمل كلامنا بكرة ان شاء الله تعبتكم بطول الموضوع اسفة ويارب يفيدكم
مستنيه ارائكم وتعليقاتكم
تعالوا نكمل انهاردة وثانى حلقة من حلقات ومقالات
تعليم الذات
امبارح بدانا نتكلم عن التعليم والتعلم وان الظروف او السن ابداَ لا يكون عائق امامنا اذا سبنا منطقة الراحة .
المعوقات
حانبدا نتكلم عن ايه اللى بيقف يمكن فى طريقنا بس تعالوا بينا نعرف الاول معنى منطقة الراحة ومعلش اعذرونى احيانا بتكلم بمصطلحات التنمية البشرية , مرة حانعمل مقال واكلمكم فيه عن نفسى.
نرجع تانى ونقول منطقة الراحة : المقصود بيها ظروفك ومشاعرك حياتك دلوئتى وتعودك عليها , انت اتعودت على الشغل ده او حتى لو معاملة بطريقة معينة , اتجاه معين او طريق بتاخده كل يوم من بيتك لمدرستك او شغلك مش بتحب تغير بتخاف من التغيير علشان الالم احيانا مجهود فراق لناس .
دى منطقة الراحة يبقى هى حاتعارض اى تغيير فى حياتك ده اتجاه فى عقلك حايبقى من الصعب فى البداية انك تسيطر عليه وعلشان كده حانقولك علشان تبدأ حاجة جديدة وعايز تستمر عليها لازم تجبر نفسك انك تعملها من اسبوع لاسبوعين او عشر ايام وبعدها بتعملها انت تلقائى لانها بتكون اتحولت لعادة .
وده طبعا لو كل واحد فينا فكر شوية حايلاقى ان فيه ده فى حياته بدات تدريب بس مكملتش , بدات اتعلم لغة وسبتها واظبت على ان اخس ومكملتش تمام يبقى لازم يكون عندنا اصرار ونجبر نفسنا علشان التصرفات الجديدة العقل مش بيحبها فنلتزم بيها لحد لما تصبح عادة وانت من نفسك وبدون ادراك منك حاتلاقى نفسك بعد كده بتعملها اوك .
يبقى اول حاجة وهى جت لوحدها الصراحة منطقة الراحة
ايه تانى ممكن يكون عائق ادامنا فى التعلم
الظروف : احيانا كتير بتكون ظروفنا عائق فى حياتنا ومش بتخلينا نعمل اللى عايزينه ودى اوقات بتكون مادية اجتماعية او حتى عادات وتقاليد ظروف صحية على الرغم ان مافيش مشكلة فى حياتك الا وهى مبعوتالك يعنى مش عقاب لا دى هى مقصودة علشان تتعلم منها حاجة . انا من الناس اللى مش فى اعتقادى الشخصى ان الظروف عمرها ما كانت عائق صعب يعنى ولكن تعالوا نتكلم عن كل حاجة منها باستفاضة شوية ومعلش استحملونى لان مقال انهاردة طويل شوية
الظروف المادية قولنا امبارح ان التعليم مفتوح بمعنى اذا مش قدرت انهاردة انى اتعلم حاجة ممكن بكرة وده يعنى المستقبل سواء القريب او البعيد حاقدر احسن امكانياتى المادية واتعلمها خلاص
طيب ظروف صحية : طبعا الصحة ربنا ما يحرم حد منها هى الاساس والاهم ولكن عندنا امثلة كتير عرب واجانب عمر ما كانت ظروفهم الصحية وقفت عائق ادامهم لا وفيه فيديو حاسيبلك اللينك بتاعه فى المقال الجاى ان شاء الله
ظروف اجتماعية او عادات وتقاليد : اذا كان حلمك او اللى انت عايز تعمله بيخضع انه مش حرام ومش عيب يبقى خلاص حاتبقى وحيد ومنبوذ ناس كتير اوى اتقال عليهم مجانين ومنهم توماس اديسون وعباس ابن فرناس وكانت نظرياتهم اساس لاختراعات كبيرة اوى عباس ابن فرناس واول محاولاته للطيران بعديها اخدوا فكرته وطورها الاخين رايت وصنعوا اول طائرة . وتوماس اديسون مكتشف المصباح الكهربائى
وهنا اللى عايزة اقوله مش اننا ما نسمعش لغيرنا وتبقى دعوة لان الشباب تتطاول على اهلها او بعض الناس تتطاول على معتقدات مجتمعاتها . ولكن اقصد ان كل الاحلام الكبيرة لقت ناس كتيير اوى تقف ضدها مش جنبها .
وده هو ثمن التعلم انت بتجتهد مش بيجى النجاح باللعب او الفهلوه يعنى
الوقت
كتير يبتحجج ان مافيش وقت وان اليوم يادوب وامتى , طيب انا بس عايزة اسأل سؤال هو اليوم كله 24 ساعة صح بس ليك ولغيرك يعنى صاحبك ولا جارك الناجح ده اللى بيعمل فى اليوم 15 حاجة بيجيب الوقت منين
حاجة حصلت معايا شخصيا فى بداية ما بدأت الكتابة على النت لانى بكتب من حوالى 19 سنة عمر طويل شوية ههههههه وقتها بدات كتابة على النت وكانت روايات كان من الصعب انى انزل حلقات واتابع تعليقات وارد وكمان اكتب واساعد والدتى فى البيت لا وكمان وقت الشغل والدراسة مصيبة حاجيب وقت منين وكنت كتير بنزل رواية مثلا وبعدى عليها شهور مش لانى بكتب لا عندى روايات واشعار وحتى مقالات ياما بس يادوب تظهر للنور بس كنت بتحجج بالوقت . وكنت لازم ابوظ حاجة يعنى اجى على الكتابة علشان الشغل او البيت علشان الكتابة وبس لحد لما عودت منطقة الراحة وخليت الكتابة عادة وانا اه هوه معاكم يوميا . وهنا بردوا بتدخل منطقة الراحة بتحليك تضيع الوقت علشان احساس التعب او المجهود على الرغم انك لما بتنسق وقتك بتلاقى انك مبسوط كتير وتفرح بانجازك وتفرح بنفسك انك قدرت تعمل حاجات كتير فى اليوم
كلام الناس
بص بقى حدث ولا حرج يعنى انا حاذاكر او حاتعلم لغة دلوئتى وانا كبير كده الناس حاتقول ايه وافرض قابلت حد اعرفه ازاى , منظرى ادام الناس .
عادى على فكرة تتعلم حاجة جديدة تفيدك بعدين وكمان ممكن جدا تستثمر اللى اتعلمه ماديا وتكسب منه ولا تفضل زى ما انت واللى خايف لا يتكلموا دول عليك بردوا حايتكلموا
الناس عمرك ما حاترضيهم والا حاتجن فانا فى راى واللى ماشية عليه مدام بعمل حاجة ما تغضبش ربنا ومش عيب وتريحنى وبحبها يغور كلام الناس
على فكرة خوفى من تقبل الناس ليا خلانى اعد اكتب فى بيتى 14 سنة من غير ما اعرف حتى اللى بكتبه ده حلو ولا لا وده كان اساس انى انشر باسم مستعار وهو سبيل مش اسمى الحقيقى منار
ناس كتير حاتقولى 14 سنة مجنونة بس هى دى الحقيقة بجد , عاداتنا وتقالدنا فى الاسرة انا من اسرة محافظة ازاى يعنى اكتب على النت , يمكن الموضوع فى البداية كان فيه جزء منه عدم ادراك بماهية النت يعنى وطبعا بالنسبة لعيلتى خوفهم عليا حانرجع لمنطقة الراحة .
فبلاش كلام الناس بليز اعمل اللى يريحك وبراحة على عيلتك لحد لما يفهموا اللى انت عايزة ويستوعبوه وقتها حايدعموك صدقنى ومش حايقولوا ده عيل واه هو بيلعب وطبعا ما يكنش حاجة مخالفة لتعاليم دينا او مخلة يعنى فاهمنى طبعا هههههه
تقريبا كده اخدنا معظم النقاط اللى ممكن حد يقف عندها السن واتكلمنا امبارح عنه وقولتلكم مثال حى . وعلى فكرة اللى بيقول كلام الناس بردوا انا فى مرة دخلت كورس لقيت زميلتى من الكلية بتدرسهولى , فى الاول ما اخبيش اضايقت وبعدي اجبرت نفسى انى اكمل لانى عايزة الشهادة انا كنت اعرف الحاجة اللى بتعلمها المهارة دى وبمارسها بس محتاجه الشهادة اوك وكمان هى بصراحة كانت عادى عرفتنى لباقى الكورس ان احنا زمايل ومافيش مشكلة عدت يعنى واخدت الشهادة وكملت معاها
كسرت جزء الانا فى نفسى وغرورى
نكمل كلامنا بكرة ان شاء الله تعبتكم بطول الموضوع اسفة ويارب يفيدكم
مستنيه ارائكم وتعليقاتكم
تعليقات
إرسال تعليق