التردد

التردد

مساء الخير على احلى اعضاء للمدونة غبت عليكم شوية لا كتير الصراحة طول شهر رمضان بس زى ما انتوا عارفين رمضان وقته ضيق والمهم اننا عدنا تانى وحشتونى فى البداية 🌸 🌸 🌸

انهاردة زى العنوان حانتكلم عن التردد وزى ما عودتكم حاقولكم عن تجربة شخصية اتعاملت ازاى مع التردد فى حياتى وخسرنى ايه كمان

التردد هو ان الانسان ما يقدرش ياخد قرار بسرعة ويسوف لحد لما يلاقى العرض اللى المفروض يختاره انتهى وقته وانتهت صلاحية الاختيار التابع ليه كمان

طيب هل التردد بيخسر ؟ او بمعنى اخر هل التردد مضر ؟

حاجاوب على السؤال ده من خلال حياتى الشخصية وحاقولكم اه خسرنى عن نفسى كتير

                      

وقت طويل ونجاح واصدقاء وناس ماقدرتش قبل ما يمشوا اعرفهم هما اد ايه مهمين فى حياتى وناس تانية التردد فى خسرانهم وفراقهم خسرنى نفسى واتجرحت بسب ترددى فى انى اسيبهم

طيب يا منار السؤال اللى الكل بيسأله فيه حل ؟. يعنى اذا انا انسان متردد فيه حل ليا انى اكون غير ؟ اه فيه طبعا

عن نفسى زمان كنت شخصية مترددة كتيييييييير اوى وبعد مدة قدرت اواجه نفسى ده اول العلاج لكل شئ انك تواجهى نفسك وتتقبلى ان فيكى العيب ده والا وقتها مش حايكون للعلاج اى داعى اذا مش اقتنعتى وواجهتى انك مريضة بالتردد من اصله

وتانى حاجة انك تاخدى القرار بسرعة يعنى اول حاجة يقولك عليها احساسك اعملها مش مهم وقتها حاتكسب اد ايه او حاتخسر ايه كلنا كل يوم فى اختيارات شغل او ناس حاتعيش معاها ديل المفروض تختاره او حتى نوع الاكل اللى حاتاكله اختار وقول اه او لا سيب احساسك يختارلك وماتخافش حتى لو كان غلط حاتتعود وقتها انك ماتسوفش اى حاجة تطرق على دماغك اعملها مادام عارف انها مش حرام او عيب عموما .

انما سيبك من منظرك ادام الناس المهم انت شايف ايه او انت حاسس ايه وده بيكون اصدق ديما احساسك

 وبعد مدة حاتلاقيك بتفكر صح بس كمان مش بتخاف من القرار حتى لو ضدك او حاتخسر معاه شوية يعنى اوقات الخسارة بتكون لينا مكسب على المدى الطويل يعنى على راى ما بيقولو الخسارة القريبة احسن من الخسارة البعيدة 

مستنية رايكم واقتراحتك ايه رايكم نتكلم فى ايه

1.