احلى متابعين فى
البداية وحشتونى كتير وسورى لتاخيرى عليكم
تعالوا بقى انهاردة
حانبدا فى موضوع جديد عارفة انى مش كملت مقال الذكريات الجدية وحانتكلم فيه وعد
وكمان حانكمل ان شاء الله مقالات ما علمتنى الحياة
بس انهاردة عايزة
اتكلم معاكم عن السعادة
ايوه احنا مكتئبين
كتير اوى الكل فى الحقيقة الشباب والكبار الكل مكشر ومضايق مش شرط نكون فى حالة حب
يعنى علشان نكون عايشين فى سعادة
وكمان السعادة مش زى
ما البعض فاكر لازم تكون فى المال او فى المنصب او النجاح
صح ان كل حاجة من دول
بتسعدنا بس مؤقت .
السعادة موجودة ياناس
حوالينا ديما ومعانا
بس احنا بندور وندور
بعيد كتير استنى هنا
اقف كده شوف جواك
بص بجد حاتلاقى اكيد
صورة كده لذكرى
ليك . او اسمع
ضحكة طفل وليد
بس السعادة اللى انا بتكلم عنها انهاردة
غير بتكون فى حاجات بسيطة زى اغنية بتحب تسمعها مكان بتحب تروح او حتى فيلم بتتفرج
عليه وبيخليك سعيدة , بتكون السعادة فى صورة اه صورة بتفكرك بذكرى حلوة ليك مع
عيلتك او اصحابك , السعادة بتلاقيها فى ضحكة طفل لما تلاعبه او حتى حد تساعده .
السعادة حالة وشعور نابع من جوانا يعنى مش
محتاج رصيد فى البنك ولا يكون عندك منصب مهم فى شركة ولا تكونى احلى البنات لا
السعادة دوروا عليها جواكم حاتلاقوا حاجات كتييييييييير تخلينا فى قمة السعادة
تعليقات
إرسال تعليق