ذكريات

مساء الخير على متابعينا انهاردة حانتكلم عن حاجة جديدة ومعلش حانوقف سلسة مقالات ما تعلمته من الحياة على وعد نكمله تانى ان شاء الله 

 كلنا عندنا العديد والعديد من الذكريات فيه منها ذكريات جميلة وفيه ذكريات حزينة وفيه ذكريات 

مع اشخاص نفسنا ننساها ونمحيها من سجل عقولنا كلنا

انهاردة حانتكلم عن الذكريات الحزينة

 كل شخص بيكون عنده ذكريات  فى وقتها كانت جميلة صحيح وبعد فترة انقلبت لذكريات حزينة سواء اصحابها خدعونا او اختاروا يفارقونا وبتكون صعب نسينها وخصوصا اذا الاماكن اللى متعلق بيها الذكريات دى اماكن احنا بنحبها ومتعودين نروحها , ده بيخلينا نفقد تعلقنا بالمكان وجايز جدا نبطل نروحه تانى .  

بس انا بالنسبة ليا كان الموضوع مشابه لكده اوى , كلمتكم فى مقالات قبل كده ان كان ليا اصحاب مصلحة ودول عشت معاهم فترة طويلة من حياتى وطبعا كان ليا ذكريات كتير معاهم وفى اماكن كتييير بردوا ومعظم الاماكن دى انا بحبها فى فى البداية قررت انى ماروحش الاماكن دى تانى وبعد فترة لقتنى بشتاق للمكان وطبعا معاه بتيجى الذكريات حتى لو مجرد انى مريت من المكان ده بس الحمد لله بالنسبة ليا لقيت الحل وهو انى اروح لنفس المكان ايوه بس مع ناس جديدة واسس فى المكان ده ذكريات جميلة تمحى نفس الذكريات السيئة المتعلقة بيه  . 

 وبكده ما  اول ما يجى ذكر المكان ده بتتعلق فى ذهنى الذكريات الاحدث مع الاشخاص الجدد ومع مرور الوقت لقتنى نسيت كل الذكريات الحزينة , او معظمها علشان اكون صريحة وحتى لما بفتكر 

الذكريات السيئة دى بفتكر معاها ذكريات حلوة لاشخاص تانيين وبكده تاثير الذكريات المؤلمة عليا بيكون اقل 

دى كانت طريقتى فى نسيانى او محو ذكرياتى المؤلمة شاركونا باراءكم وطرقكم فى نسيان الذكريات المؤلمة      

يتبع