ما علمتنى الحياة ٤

مساء الخير على كل متابعينا انهاردة حانتكلم عن الاصدقاء الجيدين ودول بيكونوا على طول  جنبك وبيكونوا اقرب ليك من اهلك ، ومعاك فى كل شئ احزانك قبل افراحك .ومهما كان بعد المكان بينكم او انشغالتكم عن بعض ما بتبعد بينكم ولا بتاثر فى صداقتكم 
انا بالنسبة ليا اصحابى اقرب حد ليا ولما بكون قلقانه من حاجة بجننهم معايا . حبايب هارتى وهما بردوا اول ناس بفكر فيهم وقت فرحى ، ولما بيغيبوا عليا مش بفضل قلقانة لحد لما اطمن عليهم .

بس عارفين ايه اصعب احساس لما تفقد حد فيهم بتحس وقتها ان حاجة جواك بتختفى ،وكان روحك بتنطفى حاجة فيها .
من اصعب الاحاسيس موت صديق جيد ،فجأة بتلاقى كل شئ بيختفى بتحس كأن الدنيا بتسكت فجأة  كل الالوان بتشوفها اسود . صحيح ربنا بيقويك انك تبدأ من جديد ووقتها بيكون معاك فى قلبك وجواك وهو ده اللى بيديك القوة انك تكمل . 
ايوه انا مريت بكل ده ربنا يرحم صديقتى وكل امواتنا يارب .
لكن كمان انا عندى اصحاب واصدقاء غاليين اوى عليا ربنا يخليهملى وما يحرمنى ابدا منهم بيملوا وينوروا عليا حياتى وبجننهم فى جميع اوقاتى ههههه وانتوا كمان اشكروا اصدقاءكم وماتنسوش تقولولهم اد ايه هما مهمين عندكم 
استنونى نتكلم عن حاجة جديدة بكرة ان شاء الله .